منتديات لمسة حب الترفيهيه
عيش الصداقه بجد
www.lamst-7ob.com
استمتع بسماع القرآن الكريم
ضع اعلانك هنا
ضع اعلانك هنا
ضع اعلانك هنا
الا بذكر الله تطمئن القلوب
|
!~ آخـر مواضيع لمسة حب~!
|
|
||||||
| منتدى القصص والروايات والحكايات منتدى يهتم بجميع انواع القصص حكايات و الروايات و الكتب و قصائد مسموعه و طرح المذكرات الخاصة روايات وَ حكايات ننسجها .. ( نتناقلها ).. على مر العصور ونأتى هنا منتديات لمسة حب لنقرأها ونرويها لكم |
 |
|
|
|
#1
03-22-2010, 07:20 PM
|
||||||||||||
|
||||||||||||
♥ ♥ .. بنـــات آخـــر شقــاوة .. ♥ ♥
يوميــات شقــاوة بنـــات ::الحلقة الاولى::  ريتاج بتتصل بملك على الفون. ريتاج : الوووو . ملك : الووو .. ايوة. ريتاج : ايوة .. ازيك يا ملوكه. ملك : الحمد لله .. ازيك انتى يا عسل. ريتاج : الحمد لله تمام .. إيه؟! ملك : ايه ايه انتى موش جايه المدرسه بكره ولا ايه ؟ ريتاج : والله مكسله اوى مش عارفه كده مالى. ملك : لا يا توتى بليز تعالى بلييييييز .. ده بكره اول يوم هتسبينى لوحدى . ريتاج بأستهبال :لا اتحايلى عليا شويه . ملك بعصبيه :بقولك ايه هتيجى يعنى هتيجى فاهمة . ريتاج: طيب طيب خلاص يالهوى عليكى . ملك : هيييييييه هتيجى هتيجى. ريتاج :طيب روحى جهزى اللبس علشان بكرة ..سلام. ملك : سلام يا عسل. تعريف للشخصيات الرئيسيه : ريتاج: بنت جميله وذكيه تبلغ من العمر 15 سنه فى الصف الاول الثانوى العلمى هواياتها كرة السله والقراءه هاديه جدا ملك: بنت جميله وذكيه تبلغ من العمر 15 سنه مع ريتاج فى نفس الفصل هواياتها القراءة وهى رسامه وعصبيه جدا جدا ومندفعه ومتسرعه وبتكره المقالب خالص ورومانسيه جدا ومتقلبه المزاج شاهى: بنت قلبوظه وشقيه اوى وبتحب تعمل المقالب موت زى عنيها وبالذات فى ملك هيا مع ملك وريتاج فى نفس الفصل نكمل القصه : فى احدى مدارس مصر الجديده قبل طابور الصباح تقابل الاصدقاء من جديد ملك : شاهى ..ريتاج وحشنى مووت ازيكو يا عيال شاهى : عيال احنا عيال ماشى ماشى هنردهالك يا ست ملك ريتاج : اسكتى بقى .. ازيك انتى يا ملوكه انتى كمان وحشتينى (اكنهم مش لسه متكلمين امبارح) ملك: والنبى يا شاهى مش عايزين مقلب من مقالبك السخيفه دى ريتاج : اه بلاش مقالبك دى يا سخيفه شاهى : ايه ده انتو الاتنين عليا ماشى ماشى والله لهتشوفو .. ويسمعو صوت الجرس شاهى : ايه ده الجرس رن .. احنا لحقنا ملك: على رأيك ولما طلعو الفصل بدأت مقالب شاهى فى مدرسه المنطق ريتاج : ملك مزهقتيش الست دى عماله تلوكلوك من الصبح وانا مش فاهمة حاجه ملك: شويه كمان وهطق تنط شاهى من وراهم وتقول : بتخططو لايه من ورايا ريتاج : ابدا زهقانين شاهى : طيب استنو عليا وانا هضحكو دلوقتى ملك : هتعملى ايه شاهى : هتشوفى ... يا استاذه يا استاذه المدرسه : نعم يا شاهى فى ايه شاهى : انا مش فاهمة حاجه يا استاذه المدرسه : مش فاهمة ايه يا شاهى شاهى : مش فاهمة المعادله دى المدرسه بأستغراب : معادله ايه شاهى : دى يا استاذه اللى على السبورة .. وبعدين حضرتك وافقه ليه اتفضلى اقعدى اقعدى يا استاذه المدرسه بحسن نيه : شكرا يا شاهى ويادوب جايه تقعد يعينى راحت شاهى شدت الحبل اللى كانت رابطاه فى رجل الكرسى وهوووب وقعت المدرسه على الارض والفصل كلو فى صوت واحد : ههههههههههههههههههاى وقامت المدرسه وهيا متضايقه اوى : مين اللى عمل كده ايه الكرسى ده اكيد مكسور ومر اليوم الدراسى وريتاج وملك وشاهى مروحين مع بعض ريتاج : يوم ممل اوى ملك : اه بس الا المقلب اللى عملتو البت شاهى ده هههههههه شاهى : يلا اى خدعه عدو الجمايل وقطع صوتها موبايل ملك ريتاج : مين بيتصل ملك بفرحه : ده كريم كريم ولد فى كليه شرطه بيحب ملك وملك بتحبه ذكى جدا وعصبى شويه دمه خفيف نرجع تانى للقصه شاهى : يوووو انا مش بحب كريم ده خالص ملك : اسكتى بقى علشان هرد عليه شاهى : يووووووو ملك : الو كريم : ايوة يا حبيبتى ملك : ازيك يا كريم كريم : الحمد لله تمام ازيك انتى ملك : كفايه عليا انى اسمع صوتك كريم :وحشتينى ملك : ...... كريم : مالك اتكسفتى ملك : شويه كريم : حبيبتى بتتكسف يا خواتى ملك : هههههههههههه كريم : طيب يا حبيبتى انتى فين ملك : انا مروحه البيت كريم : ترجعى بالسلامه رنى عليا لما توصلى ملك : اوكى كريم : طيب يا حبيبتى انا بس حبيت اطمن عليكى ملك : اوكى كريم : يلا ترجعى بالسلامة ..باى ملك : باى شاهى : خلصتى ريتاج : فى ايه براحه على البت ملك : دا انتى رخمة بجد شاهى : انتى ارخم ... طيب انا وصلت سلام اشوفكو بكره ريتاج : سلام ملك : باى ريتاج : مالك يا بت سرحتى فى ايه ملك : هه لا ابدا مفيش ريتاج : لا حول ولا قوة إلا بالله العلى العظيم ملك : سبينى بقى يا توتى ريتاج : وكمان بتدلعينى ياسعده يا هناه ملك بأستعباط : هو مين ده ريتاج : لا والنبى شوفو البت ملك : توتى يلا باى اشوفك بعدين ريتاج : اوكى خدى بالك من نفسك ملك : اوك وانتى كمان وفضلت ملك ماشيه سرحانه وبعدين رنت على كريم وطلعت البيت اشوفكوا فى الحلقة التانيــــــة  المصدر: ..:: لمـــسة حـب ::.. - من قسم: منتدى القصص والروايات والحكايات ♥ >> fkJJJhj NoJJJv arJJh,m المصدر: ..:: لمـــسة حـب ::.. - من قسم: منتدى القصص والروايات والحكايات ♥ >> fkJJJhj NoJJJv arJJh,m ♥ >> fkJJJhj NoJJJv arJJh,m 
|
|
03-22-2010, 07:22 PM
|
#2 | |
  
|
الحلقة الثانية
******* بعد ما كل واحده رجعت بيتها نروح لبيت ريتاج ونشوف ايه حصل هناك دخلت ريتاج الفيلا بضجه وهى بتقول ريتاج : ياناس يا عالم انا جيييييييييت اخوها مازن بأستهبال : نورتى البيت &&&& مازن اخو ريتاج عمره 18 سنه وسيم جدا وطيب وحنون وبيحب اخته وبيحب يضايقها وبيخاف عليها ودايما ابدا يحب يدايقها &&&& ريتاج : طبعا نورت البيت يا خويا موش انا اخر العنقود مازن وهو بيطلع لسانه : اخر العنقود مين يا بيبى انتى فاكره انك هتاخدى حب بابا منى لا انسى ريتاج بدلع : بابا .. شوف ابنك ده الاب : بس يا مازن سيب اختك فى حالها &&&& الاب (محمد) حنين اوى وبيحب اولاده وبيحاول يعوضهم عن نقص الحنان بعد فقدان الام وهى توفت فى حادث ومتزوجش بعدها عنده شركه استيراد وتصدير &&&& مازن : تحت امرك يابابا ثم يكمل هامسا لريتاج: ليا كلام معاكى بعدين يابيبى ريتاج : هتعمل ايه يعنى مازن : هعمل ايه اصبرى عليا بقى وقام يجرى وراها وهيا قامت تجرى مازن وهو بيجرى : هعمل ايه ها خدى هنا يا بت ريتاج : ههههههاى ياسلام يا بطئ وقفلت عليها باب غرفتها مازن : يا خوافه ماشى ريتاج : اسكت بقى وراحت غيرت لبسها وصلت ونامت &&&& ثانى يوم فى المدرسه كانت ريتاج قاعده مع ملك قبل الطابور ريتاج : شاهى اتأخرت كده ليه ملك : يا سلام على اساس انها بتيجى بدرى اصلا ريتاج : على رأيك ورن جرس الطابور وهما فى نص الطابور جت شاهى وهيا مش قادرة تاخد نفسها ملك : شوشو فى ايه يا بت ؟ شاهى : ياااه على اللى حصلى انا كنت ماشيه ... وقبل متكمل جملتها طلعت مدرسه _يعنى يا شاهى كلامك بيتقطع كتير مرة كريم ومرة مدرسه مهزله يعنى _ المدرسه : شاهى جايه متأخرة وبترغى مع اللى جنبك شاهى : سورى يا استاذه .. انا مليش دعوة هما اللى اتكلمو معايا المدرسه : طيب اسكتو واسمعو النشيد الوطنى تحيا جمهوريه مصر العربيه شاهى : واحد فول واتنين طعميه ملك وريتاج : هههههههههه يخرب عقلك &&&& وعدت حصه ورا حصه ورا حصه لغااايه مجيه البريك ونزلوا ملك : حد عايز حاجه من الكافتريا شاهى : اه انا عايزة عصير وشيبسى وكيك و... ريتاج : بس بس كل ده شاهى بطريقه تخوف : اه حد عنده مانع ريتاج بخوف _البت خافت ياعينى _: هو انا قلت حاجه ملك : ههههههههههه شاهى بنفس الطريقه : وانتى كمان بتضحكى على ايه ياختى ملك : هاا لا مفيش انا اسفه والله_ وانتى كمان خوفتى لاحول الله يارب شاهى عامله رعب فى المنطقه والمناطق الجاورة _ شاهى : اه بحسب ناس تخاف متختشيش &&&& وعدت كام حصه كده وبعدين جه مدرس الرياضيات وشاهى تكره حاجه اسمها رياضيات ولازم تزهق المدرس فى عيشته دخل المدرس المدرس : صباح الخير ازيكو يا تلاميذ شاهى : صباح ايه يا استاذ احنا بقينا الضهر المدرس : طيب يا لمضه ...اتفضلو اقعدو شاهى : شكرا يا استاذ المدرس : نبدأ بس الله توكلنا على الله شاهى : انت جاى تخطب المدرس : شاهى كلمه كمان وهتنزلى تحت للعميده شاهى : سورى يا استاذ وبرضو مش رحمت المدرس كل ميقول كلمه تتريق عليه لغايه المدرس : شاهى اخرجى برا واستنينى عند مكتب العميده فاهمة شاهى : لا يا استاذ اسفه خلاص ونبى اخر مرة المدرس : بقول اخرجى مسمعتيش وانتوا فاكرين انها هتسيبو لا مسبيتهوش برضو فضلت وملت كيس ميه وبعدين والاستاذ نازل على السلم هووووووووب ولبسو بقى محتاج يتحط فى الشمس &&&& وخلص اليوم على خير ومحصلش حاجه تانى وهما ماشين مروحين بيتهم رن موبايل ملك طبعا شاهى هتفرقع ملك : كريم بيتصل شاهى : يوووووووو ريتاج : شاهى بطلى رخامه شاهى : والله شكلو هيوديكى فى داهية فى الاخر ملك : داهية تاخدك |
|
|
|
|
03-22-2010, 07:24 PM
|
#3 | |
|
 الحلقة الثالثةاخذت ملك فى البكاء وهى فى حضن صديقتيها المقربتين وراحت فى تذكر ما حدث ملك : الـــو كريم : ايوة يا حبيبتى ملك : ازيك يا كريم كريم : الحمد لله يا حبيبتى ازيك انتى ملك : انا الحمد لله تمام كريم : ملك .. انا عايز اقولك حاجه بس متردد ملك : فى ايه يا كريم قلقتنى كريم : انا هسافر برة مصر ملك : ايه هتسافر ليه كريم : علشان الشغل مانتى عارفه انى بشتغل مع بابا فى الشركه ملك : طب ودراستك كريم : هحول ورقى هناك ملك : يـــاه ده انت مطول بقى كريم : اه هطول ملك : طب وانا كريم : لازم نسيب بعض يا ملك ملك وهى تنزل دمعه ساخنه من عينها : ايه نسيب بعض كريم : بابا مصمم انه يجوزنى بنت عمى ملك : يعنى هتتجوز بنت عمك كريم : لازم نسيب بعض يا ملك ملك : بس انا بحبك كريم : وانا كمان بحبك بس الظروف اقوى منى ومنك ملك : اتمنى انى اموت على انى اسيبك كريم : وانا كمان .. سلام يا ملك للأبد ملك : .................. سلام يا كريم وربنا يوفقك فى حياتك الجديده كريم : بس انا عايزك تعرفى حاجه واحده انى هفضل احبك مهما حصل ملك : وانا كمان والله بحبك كريم : سلام ملك : ....سلام ثم اخذت فى البكاء &&&& طبعا اصحابها راحو معاها البيت علشان يخففوا عنها بس هيا فضلت سرحانه ودموعها فى عنيها ريتاج : ملك ... ملك ..هالو حد سامعنى ولا انا بكلم نفسى شاهى : انا قلتلك بلاش يا ملك الولد ده وانتى صممتى مش انا قلتلك فاكرة ... ريتاج مقاطعه : ايه يا بنت اسكتى مش هيعمل حاجه الكلام ده بالعكس هيزيد حالتها دى ملك : شاهى لو اتكلمتى فى الموضوع ده تانى بجد هنخسر بعض شاهى : هنخسر بعض علشان عيل ولا راح ولا جه ملك : شــــــاهى ريتاج : خلاص بقى .. شاهى : ماشى هعمل نفسى مش واخده بالى ايه مش هناكل ولا ايه انتو معندكمش اكل يا ملك ولا ايه ريتاج : لا مش هناكل هنا تعالو نخلى رجب _ السواق _ يوصلنا لمطعم شاهى : خلاص اوكى ملك: شاهى .. انتى مفيش حاجه تقوليها الا وفيها اكل شاهى : ههههههه يابنتى احلى خمس حاجات فى الدنيا تلاته الاكـــــل ملك وريتاج: هههههههههههه شاهى:طب بقول ايه بقى انا جعانه هتغدونا ولا ناكل برااا ريتاج:لا يلا نأكل برا احسن انا قايله لدادى انى ممكن اتاخر شاهى: وانا كمان.. ملك: طب اصبروا لما اقول لماما اول ماقالت ملك هقول لماما ريتاج افتكرت مامتها المتوفيه اخذت تقول فى سرها :وحشتينى اوى يا مامى وحشتينى اوى رجعت ملك بعد خمس دقايق ملك:يلا وافقت.. ريتاج وشاهى: يلااا &&&& فى السياره التى يملكها والد ريتاج ريتاج : رجب ودينا على المطعم رجب : حاضر يا آنسه شاهى : حط اى اغنيه يا رجب ملك : حط اغنيه الله يخليهم بتاعت وائل جسار شاهى : لا يا ستى احنا عايزين اغنيه روشه مش عايزين نتنكد .. حط اغنيه تسلم بتاعت تامر عاشور واخذت فى الغناء مع الاغنيه روح يلا العب غيرها ومتجيش وتجبلى يجى ميت حاجه اتقالت ومفيش حاجه كملت كلامنجى اوى وبتحب تبان واحد غلبان وانا باجى عليك كلامنجى وعمال على بطال اللى بيتقال بتغير فيـــه تسلم وفر على نفسك اى كلام علشانى تسلم ريتاج : بــس صوتك وحش اسكتى بوظتى الاغنيه كانت العربيه ملفته للنظر وكان صوت البنات عالى كمان &&&& ولما وصلو المطعم جه الجرسون الجرسون :ايوة طلابتكم يا آنسات ريتاج:انا عايزه ............. ملك:وانا زيها شاهى:اما انا بقى فهاتلى .... و..... و..... بس كده الجرسون:اى خدمه تانيه؟؟... ريتاج:لا شكرا... بعد ماراح الجرسون التفت للبنات وقالت :بنات شايفنين الولدين الى هناك الواد الرخم ده كل شوى يبصلى ويغمز شاهى:قصدك الى لابس تشيرت سماوى ده ريتاج:ايووه عليكى لمبه محروقه<<عليكى نوور يعنى فى نفس الوقت جه الولدين احمد ابو تى شيرت سماوى _: لو سمحتى يا انسه هيا الساعه كام ملك : اوف على اليوم شاهى : روح يلا العب بعيد على _التانى _ : ايه يا انسه احنا بنقولكو الساعه كام مش بنقول تعالو العبو معانا ماتش كورة ريتاج : الساعه واحده ومعاها عيل البنات التلاته : هههههههههههه احمد : ده انتى دمك خفيف بقى ريتاج : وانت دمك تقيل احمد : ليه بس محنا كنا حلوين مع بعض شاهى : روح يلا اركن بعيد والا احمد : اركن ليه شايفانى تاكسى .. وبعدين ايه والا دى هتعملى ايه يعنى ريتاج : عايز تشوف هتعمل ايه احمد : اه عايز اشوف قامت ريتاج وقفت ببرود واخدت كوبايه مايه من قدامها وطششششششش فى وش احمد احمد: ايه ده انتى عارفه انتى عملتى كده فى مين انا هوريكى انا هوديكى فى داهية على : احمد يلا يا احمد خلاص مش مشكله دول عايزين يتمنظرو بس بعد ما مشيو من قدام البنات واحمد يتوعد لريتاج احمد : والله لوريها البنت المفعوصه دى على : هتعمل ايه احمد : هتشوف اما خليتها تندم وتعيط ليل نهار مبقاش انا احمد شهاب &&&& نرجع للبنات بعد ما مشى احمد وعلى البنات قعدو يضحكو ويضربو ايديهم فى ايد بعض ملك: ايه ده ايه الجراءة دى يا بنتى يالهوى ريتاج : هههههههههه اى خناقه شاهى : لاء جدعه يا بت هههههههههه شوفتو منظره لما الميه جت عليه ياااى واخذ الكلام شاهى وريتاج بعيدا عن ملك تمام واخذت هى تفكر فيما حدث مع كريم فى نفسها:ليه يا كريم كل ذنبى انى حبيتك فين وعودك ليا بس انا الى غلطانه علشان صدقتك جرحتنى وكسرتنى عمرى فى حياتى ماحبيت حد قد ماحبيتك (وبعدين رجعت تلوم نفسها)اصلا انا الى غبيه مكانش المفروض اصدقك من هنا ورايح عمرى ماهصدق حد الرجاله دول ملهموش اماان.... |
|
|
|
|
03-22-2010, 07:28 PM
|
#4 | |
|
الحلقة الرابعة
طبعا احمد كان يتوعد لريتاج بشده احمد : انا هورى البت المفعوصه دى شغلها كويس على: خلاص بقى يا احمد خلى عقلك كبير وبعدين هتعمل ايه يعنى احمد : هعمل ايه انا هخليها تركع تحت ركبتى وتعيط بدل الدموع دم على : ياسلام كل ده علشان رشت عليك شويه ميه احمد : الحكايه مش شويه ميه بس خلاص انا اخدتها طار شخصى ..عارف انا هعمل معاها ايه بكرة لو جت المطعم على : هتعمل ايه احمد : هرسم الحنيه والندم والاسف و.... على : و ايه على : واللى يحضر الجن يعرف يصرفه على : يعنى ايه مش فاهم احمد بخبث : مش مهم &&&& رجعو البنات التلاته كل واحده على بيتها بعد ماقعدو يضحكو على احمد وعلى شاهى اتصلت بملك ملك : الـــو شاهى : ايوة يا جميل ملك : فى ايه شاهى : فى مسأله صعبة فى الفيزيا مش عارفة احلها ملك : قصدك اول واحده شاهى : ايوة عليكى لمبه محروقه ملك : انا بقى فضلت وراها لحد ماحلتها شاهى : طب ايه الحل ملك : تدفعى كام ؟ شاهى : ادفع بوكس فى سنانك ملك : لا لا خلاص حلها ياستى ....... شاهى : طيب عايزة حاجه ملك : ياسلام هيا خلصت حاجتى من جارتى السلام عليكم شاهى ::d ملك : عايزة سلامتك ياستى سلام شاهى : سلام قفلت ملك الخط مع شاهى ودخلت عليها رنا رنا اخت ملك عندها 10 سنين عسوله خالص وعاملة زى البسكوته ورقيقة جدا ملك : ازاى تدخلى من غير ماتخبطى ع الباب رنا : اسفه يا ملك ... اصلى كنت عايزة اتكلم معاكى شويه ملك : عايزة ايه يا مصيبه رنا : مصيبة ...طب خلاص انا ماشيه ملك : رنا انتى عارفه انى مبحبش كده انطقى عايزة ايه رنا :انا قاعده لوحدى ومش لاقيه حد اتكلم معاه ملك بحنيه : يعينى ..عايزة تتكلمى فـ ايه ياحبيبتى رنا: اصحابى بيضايقونى ف المدرسه ملك : بيضايقوكى ..ليه رنا : عشان مش عندى اصحاب وهما بيغظونى ملك بحنيه اكتر : ملكيش اصحاب يا حبيبتى اومأت رنا موافقه فأخذتها ملك ف حضنها ومعرفتش تعمل ايه معاها فـ المدرسه ملك : ازيك يا ريتاج ريتاج : الحمد لله تمام ...بقول ايه ايه رأيك نروح المطعم تانى النهاردة بعد المدرسة ملك : ليه ريتاج : اصل الاكل بتاعه عجبنى اوى ملك : الاكل بردو ولا الواد بتاع المطعم ريتاج : واد ايه ده ااااااااه الواد اللى رشيت علية ميه ... لا طبعا انتى اتجننتى ده واد مغرور اوى ملك: ياراجل ريتاج : ياست ملك : انا معنديش مانع الدور والباقى ع اللى جايه دى شاهى : بتقولو ايه من ورايا ريتاج : ايه رأيك يا بت لما نروح المطعم بتاع امبارح شاهى : ليه ..عايزة تشوفيه ...هو وحشك قالتها وهيا بتغمز لملك ثما انفجرا فى الضحك لما شافو ريتاج من كتر الكسوف بقى وشها زى الطماطم شاهى : اصلا امبارح كان باين عليكى انه عاجبك ريتاج : اسكتى بقى ريتاج : خلاص مش رايحه ملك : بس انا عايزة اروح شاهى : وانا كمان ريتاج : طيب اوكى بعد المدرسه راحو البيت غيرو لبسهم ولبست احلى لبس عندها شاهى : ايه ده ايه القمر ده ملك : بس بقى ياشاهى متكسيفهاش شاهى :هههههههههههههه طيب ولما وصلو المطعم لقو احمد وعلى هناك موجودين احمد : مش قلتلك هتيجى على : ماشى ياابو العريف احمد هو كمان كان متشيك ع الاخر ولابس اللى ع الحبل واول ما البنات قعدوا راح لهم هو وعلى احمد : هاى يابنات شاهى : هاى ورحمة الله وبركاته فى ايه يا اخ احمد : لا مفيش انا بس كنت عايز اكلم الانسه وهو بيشاور على ريتاج ريتاج : مفيش كلام بينا ..وبعدين تكلمنى بتاع ايه اساسا على : يلا ياعم من هنا دول كلهم لمضين ملك : بقولك ايه احترم نفسك احمد : استنى يا على ... بصى يا انسه المفروض تيجى تعتذرى ليا ع اللى حصل منك امبارح ريتاج : هو ايه اللى حصل اصلا احمد : انا هعمل نفسى مش واخد بالى بس انا حبيت اقولك اسف لو كنت ضايقتك امبارح ...سلام ريتاج : مالك قفشت كده ليه احمد : اعمل ايه ما انتى واصحابك نازلين تريقه من الصبح ..دى غلطتى انى جيت اعتذر ريتاج : خلاص احنا اسفين يا سيدى احمد : لا لا ولا يهمك ...خلاص مدام اصتلحنا كلنا انا هعزمكوا ع الغدا كلكم ملك : ايه لا طبعا مش موافقه شاهى : انت هتبقشش علينا ريتاج : استنوا بس يابنات ... معلش يا استاذ مرة تانيه ان شاء الله احمد وهو بيمد ايدو يسلم عليها : خلاص انا اسف على فكرة انا اسمى احمد ريتاج وهيا بتسلم عليه : عاشت الاسامى يا احمد ..انا ريتاج احمد : الله ريتاج اسم جميل اوى اوى ملك : اوووووووووف احمد : طيب هشوفك تانى بكرة ريتاج : اه طبعا احمد : انا سعيد بمعرفتك جدا ..واسف اذا كنت عطلتك ...سلام ريتاج : انا اسعد .. ولا عطلتنى ولا حاجه ...سلام وطبعا اول ما احمد وعلى مشيو انهالت الفتاتان على ريتاج بالاسئله الغاضبه والمحتجه ازاى تسلمى عليه ؟؟ازاى تقوليله اسمك ؟؟؟ ازاى...؟؟ازاى..؟؟ وهيا كانت ف دنيا تانيه دنيا الحب والغرام اصلها طبت |
|
|
|
|
03-22-2010, 07:32 PM
|
#5 | |
|
الحلقة الخامسة
********* بعد ماروحوا من المطعم وراحوا تانى يوم المدرسه ريتاج : ايه يابنات ...هترحو المطعم ولا ايه ملك وشاهى بصوت واحد وبغضب : لا لا لا مش هنروح ريتاج بخوف : طيب طيب يالهوى عليكوا ايه ده شاهى : ايوة كده ناس تخاف متختشيش عدى يوم دراسى عادى جدا وممل وصاحبتنا ريتاج مراحتش المطعم تعالوا نشوف لما ريتاج مراحتش احمد عمل ايه &&&& على : اهى فلسعتك يا معلم ومجتش احمد : مش عارف ايه اللى اخرها لغايه دلوقتى على : اخرها ايه ياعم دى مش جايه صدقنى احمد : طب ونبى نقطنا بسكاتك على : وانت مالك متضايق اوى كده ليه يعنى ...كل ده عشان مجاتش احمد :ملكش دعوة ياخويا ...انا مش متضايق ولا حاجه على : ياراجل امال لو كنت متضايق كنت عملت ايه ..قمت ادتنى الم ولا حاجه احمد : لو مسكتش احتمال ده اللى يحصل على : بجد ...لا ده انت فعلا متضايق اوى احمد : هيا دى .....لا مش هيا ....يوووووووو انا ماشى على : طيب يلا بينا ... ثم يهمس : دة انت هتفرقع احمد : ايه مسمعتش على : ولا حاجه ....يلا &&&& فى بيت ملك ملك قاعده بترسم ودخلت عليها رنا خطفت الفرشه من اديها وملك تكره حد يمسك حاجه من ادوات الرسم بتاعتها فقامت تجرى ورا رنا التى انطلقت فى الجرى وملك تصرخ بها :انتى يابت هاتى الفرشه يازباله رنا ببرأه : ياماما ...ملك بتضربنى الام :ملك سيبى اختك ..انتى كبرتى لسه هقولك دى مش قدك عيب عليكى كده سبيها ملك : انتى بتقولى انا كده ليه هيا اللى دخلت عليا وانا برسم وخطفت الفرشه منى نظرت الام لرنا بغضب فخافت رنا وقالت ببرأه:ماما ...مكنش قصدى ملك : ياسلام ...عارفه يابت انتى لو مسكتى حاجتى تانى هعمل فيكى ايه رنا : مامـــــــا الام : خلاص ياملك اعملى احترام ليا شويه ...تعالى يا رنا وسيبى اختك خرجت الام واكملت ملك رسمها المبدع &&&& نروح بقى شويه على بيت شاهى فتحيه :انتى يابت ياشاهى ...يابت انتى فين ....تعالى هنا يلا &&&& فتحيه زوجه ابو شاهى قاسيه جدا جدا ع شاهى تزوجها والد شاهى عقب طلاقه لوالدتها &&&& شاهى : نعم ...فى ايه فتحيه : ردى عدل يابت ... روحى اعدلى الاوض كلها يلا شاهى : وانا مالى انا فتحيه : نعم ياختى ايه وانا مالى دى ..هو انا الخدامه اللى جبهالك ابوكى شاهى : ايوة انا مالى مش ابنك هو اللى عمال يبهدل الدنيا ..استحملى بقا فتحيه : انتى يابت اتعدلى معايا والا والله لهكون مورياكى شغلك شاهى : هتورينى ايه ليه وانتى فاكرة انك هتقدرى تعملى حاجه فتحيه : لا مش انا اللى هعمل ..ابوكى اللى هيعمل ...انت ياراجل تعال شوف بنتك &&&& الاب (مصطفى ) ملهوش دور خالص فى تربيه بنته وهو كمان قاسى عليها واخدها من والدتها بجحه انها اتجوزت &&&& الاب : ماتلمى نفسك يابت ...دى اكبر منك ...متنسيش نفسك شاهى :يابابا ..يعنى يرضيك كده الواد ابنها ده عمال بيبهدل فى الشقه وعايزانى انا اعدلها ..ليه يعنى ..هيا اللى متنساش نفسها ولا هيا ولا ابنها كفايه اننا ... فتحيه مقاطعه : كفايه ايه ياعنيا كفايه ايه ..لء كفايه انتى بقى واتلمى كده بدل ملمك انا نظرت شاهى لابوها وكأنها تستنجد به فلم يبالى بها فدخلت غرفتها مسرعه وهى تبكى |
|
|
|
|
03-22-2010, 07:40 PM
|
#6 | |
|
الحلقة السادسة*******
فى المدرسه : شاهى : بقولكوا ايه مش عايزة اروح بسرعه النهاردة ايه رأيكو نروح ناكل برة ريتاج بفرحه :هنروح المطعم ملك : طيب ..اوكى ذهب البنات الثلاثه الى المطعم واول مادخلوا كانت صدمه كبيرة لملك فكان بالمطعم احمد وعلى تربيزة وكريم ومعاه واحده ع تربيزا تانيه وماسك ايد البنت بمتهى الرقه والرومانسيه كريم شاف ملك ع باب المطعم فقامت خرجت من المطعم كريم : ملك ..ملك ..استنى بس خرجت البنتين ورا ملك ووراهم كريم واحمد وعلى طبعا مش فاهمين حاجه فخرجو وراهم ووقفو بعيد مسك كريم ايد ملك ملك : عايز ايه كريم : انا قلتلك قبل كده دى بنت عمى وبابا مصمم .. ملك مقاطعه وبتقول بغضب : انت هتضحك عليا ولا على نفسك انت نسيت انى خرجت معاك انت وبنات عمك يعنى مش هتوه عن واحده منهم مط كريم شفتيه وقال : ملك انا ..انا ..انا اسف ..انا لسه .. قاطعته ملك تانى : لسه ايه بتحبنى هيا كانت مسرحيه فاشله من الاول وجاى دلوقتى عايز تكملها وترفع الستارة تانى يابجحتك يا اخى وهنا وعند علو صوت ملك اقترب احمد وعلى ببطء كريم : ملك ... تدخل احمد : فى ايه يابنات بيضايقكوا كريم بغضب : وانت مالك انت ياحيوان احمد بغضب:مين اللى حيوان ..مش عيب لما تعاكس بنات فى الشارع كريم : وهما كانو اشتكولك ..وبعدين مين قالك انى بعاكسهم احمد : كان بيعاكسكو ولا لا يابنات نظرت ريتاج وشاهى الى ملك وكأنهما تركتا الرد لها ملك : ايوة يا احمد كان بيعاكسنا كريم : احمد ..وانتى كمان تعرفيه لسه ملك هترد عليه .. فقال احمد : بقولك ايه ياكابتن اشارتك خضرا كريم : بقولك ايه انت ملكش دعوة احسن ليك شكلك عيل وانا مش عايز ازعلك عشان متروحش تعيط لبابا فضربه احمد بالبوكس فى وشه :مين اللى عيل يا ... والاتنين قعدوا يضربو فى بعض وعلى بيحاول يحجز بينهم لغايه كريم ماضرب احمد ف وشو ووقع احمد ع الارض احمد : اااااااااااااه ريتاج بخوف : احمد وبس وانتهت الخناقه عندما مسك على احمد كريم : دى اخرت العيال ونظر لملك بغضب فأشحات وجهها ف الناحيه الاخرى فرحل كريم &&&& دخلوا احمد ف المطعم وقعدوا ع الكرسى احمد : اااااااااااااه ياعينى ملك : انا اسفه يا استاذ احمد احمد : لا لا ولا يهمك يا انسه ..ملك تقريبا ..سمعتو بيناديكى كده ..هو انتو تعرفوه ريتاج : لا ابدا دى حكايه قديمه وخلصت خلاص نظر احمد لريتاج بحنيه : المهم ميكنش ف حكايه جديده وانا معرفهاش ريتاج : المهم ان انت كويس دلوقتى احمد : احسن وانتى معايا ريتاج اتكسفت اوى وبصت للارض احمد : مجتيش ليه امبارح ريتاج : كنت تعبانه شويه احمد : الف سلامه عليكى ..طيب ممكن اعزمكوا بقى نظر البنات الثلاثه الى بعضهن بتساؤل فتابع احمد : عشان خاطرى ريتاج : طيب اوكى &&&& بعد ماطلبوا الاكل على وهو ينظر الى شاهى : هو انتى اسمك ايه ؟؟ شاهى : وعايز تعرف اسمى ليه على : عادى يعنى اصل قاعدين على تربيزا واحده ومعرفش اسمك شاهى وهى تقوم :اقوم يعنى على ممسك بيدها : لا لا مش قصدى اقعدى عشان خاطرى ..بس كنت عايز اعرف اسمك شاهى : اسمى شاهى على : عاشت الاسامى ..وانا على شاهى : اهلا وسهلا على : عندك كام سنه ؟؟ شاهى : 15 سنه على : العمر كله ..وانا 18 شاهى : العمر كله على : وياكى فابتسمت ابتسامه خفيفه وبكسوف وبصت لملك وريتاج فابتسمتا &&&& جه الاكل وقعدو ياكلوا واحمد وريتاج بيبوصو لبعض وعلى بيبص على شاهى من تحت لتحت وبعد ما خلصوا قامت ملك وريتاج ووراهم شاهى وغسلو ايديهم ولما رجعوا قام احمد وعلى وراحوا غسلوا ايديهم بعد مارجعوا احمد : بالهنا والشفا يا ريتاج ..بالهنا والشفا يابنات البنات : شكرا شاهى : طيب احنا لازم نمشى بقى عشان اتأخرنا على : هشوفك تانى شاهى : ان شاء الله ريتاج : يلا سلام احمد : سلام |
|
|
|
|
03-22-2010, 07:45 PM
|
#7 | |
|
الحلقة السابعة
********** مرت الايام ع البنات الثلاثه وهما بيرحوا المطعم كل يوم وبيذاكروا وجت امتحانات نصف العام واليوم اخر يوم فـ الامتحانات بعد الامتحان ملك : هيييييييييييه انا مش مصدقه نفسى اخيرا خلصت شاهى : انا فرحانه اوى ريتاج : ايه رأيكو نروح نتفسح فسحه حلوة بالمناسبه دى ملك : بس الفلوس اللى معايا مش هتكفى ..اروح اجيب فلوس الاول شاهى : اوكى وروحت ملك ودخلت البيت وريتاج وشاهى مستنينها فـ عربيه والد ريتاج ملك : ماما ..ماما سمعت ملك صوت والديها من غرفه مكتب ابيها ذهبت تجرى لهما وسمعت الحوار الآتى صدفه الاب(عبد الله) : ملك كبرت ولازم تعرف الحقيقه الام (نهال ):انا خايفه عليها ياعبدالله عبد الله : احنا ربناها وهيا ما شاء الله بقت عروسه ولازم تعرف كل حاجه دخلت ملك عليهم ملك : لازم اعرف ايه ؟؟؟ نظرت الام للاب بخوف وحسرة ومرارة الام : ايه ياملك ازاى تقفى تتصنتى علينا كده ملك : انا اسفه مكنش قصدى ..انا سمعت صدفه والله ..بس قوليلى بقى ياقمر انتى ايه اللى خايفه عليا منه ؟؟ حسم الاب الموقف بقوله : ملك بصى يابنتى انتى كبرتى ولازم تعرفى ان ..احنا مش اهلك الحقيقين اتصدمت ملك وذهلت ولم تستوعب الكلام فـ البدايه ملك : يعنى ايه ؟ الاب بتوتر : يعنى انا مش باباكى ولا دى مامتك الام : وهى ترجع بذاكرتها للوراء ياحبيبتى باباكى الحقيقى سابك عشان مكنش معاه فلوس وده اللى نعرفه ..انا وعبد الله كنا نعرف صاحب الملجأ اللى كنتى فيه .. ملك مقاطعه : انا كنت ف ملجأ ثم رمت نفسها على اقرب كرسى اكمل الاب نيابه عن الام : انا كنت اعرف صاحب الملجأ ومكناش بننجب ساعتها فتبنناكى 14 سنه ساعتها كان عندك سنه واحده ثم اخذ نفسه واكمل : وبعدين باباكى مسألش عنك تانى بس انا شوفت انك لازم تعرفى الحقيقه ملك : يعنى انا لقيطه ثم نظرت اليهما والدموع فـ عينها وجريت على غرفتها &&&& نروح لريتاج وشاهى ريتاج : ملك اتأخرت اوى تعالى نشوفها شاهى : اوكى يلا بينا ملك...ملك اول مدخلوا الفيلا شافو ملك بتجرى ع السلم وندهوا عليها ومش بترد وطلعت وراها مامتها شاهى : هيا ملك مالها يا طنط الام : معلش يا حبيبتى ملك تعبانه شويه ريتاج : طيب ممكن نطلع نشوفها فكرت الام قليلا ثم قالت :اطلعوا شاهى تهمس لريتاج وهما بيطلعوا : ازاى تعبانه ..هيا مش لسه كانت معانا ريتاج : فى حاجه غريبه هنعرفها من ملك خبطت ريتاج على غرفه ملك ملك وهى تبكى : مش عايزة حد يخش ريتاج : ملك انا ريتاج ومعايا شاهى فيه ايه ملك ولازالت تبكى : قلتلكم مش عايزة اشوف حد بس البنتين استغربوا جدا ودخلت شاهى واول مشافتهم هما الاتنين بدأت ف البكاء اكثر وبحرقه وهى تقول:انا لقيطه يا ريتاج ..انا لقيطه يا شاهى تنظر ريتاج لشاهى بأستغراب شاهى : اهدى طيب عشان نفهم ريتاج :اهدى ياملك اهدى ياحبيبتى حاولت ملك ان تهدى من نفسها وكل ماحاولت واخذت فى التذكر انفجرت مرة اخرى فـ البكاء والبنتين يحاولو يهدوا من روعها وبعد ذلك حكت لهم ملك ما حدث مع ابيها وامها ريتاج : طيب هدى نفسك عشان خاطرى شاهى : العياط مش هيفيد يا ملك ..اهدى ياماما ملك : انا لازم اعرف مين ابويا الحقيقى ريتاج : وهتعرفيه ازاى؟؟ ملك : هروح الملجأ اللى لقونى فيه &&&& نزلت ملك بسرعه ع السلم ملك وهى تنظر لامها: انا عايزة اعرف عنوان الملجأ الام : ليه ؟؟ ملك : محدش ليه دعوة بيا انا عايزة اعرف عنوان الملجأ وخلاص غضبت نهال بشده : ملك انتى ازاى .. قاطعها الاب : اديها العنوان الام : ايه ؟ الاب : اديها العنوان بقولك الام :مش لما نعرف هتروح تعمل ايه الاب : تعالى يا ملك العنوان .... ملك وهى تجرى : شكرا الام : ازاى تديها العنوان الاب :انا عارف هيا هتعمل ايه &&&& طلعت ملك بنفس السرعه وقالت: يلا يابنات هتروحو معايا ولا اروح لوحدى شاهى : طيب مش لما نفهم انتى هتروحى الملجأ تعملى ايه؟؟ ملك : هسأل على ابويا الحقيقى ريتاج : اه وانتى فاهمة انك هتلاقيه مستنيكى ملك : لا طبعا ..بس اعرف اى حاجه توصلنى ليه..لو مش عايزين تروحوا معايا اوكى ريتاج : مش عايزين ده ايه ..انا معاكى شاهى : وانا كمان ذهب البنات الى العنوان لقوا مبنى الملجأ قديم جدا ومتهالك دخلوه وسألوا عن صاحب الملجأ ودخلوا ملك : لو سمحت ..انا كنت عايزة اسأل ..هو انتو عندكوا اسامى كل الناس اللى بيسيبوا اولادهم هنا الرجل : ايوة يا بنتى ملك : طيب الاسامى اللى من 14 سنه تقدر تعرفهالى الرجل : ياااااااه 14 سنه ..صعب اوى بس ممكن احاول ملك : طيب انا البنت اللى اتبناها صاحبك عبدالله احمد الرجل : بجد اهلا اهلا يابنتى اتفضلى ملك : شكرا ..انا كنت عايزة اعرف اسم بابايا الحقيقى الرجل : اه هو قالك ..بما ان اللى اتبناكى صاحبى العزيز فمقدرش انسى اسم باباكى الحقيقى كان اسمه ...اسمه ...طارق حاجه بس طارق ايه مش فاكر الحقيقه .. ملك : لا بليز افتكر انا لازم اعرف الرجل : ايوة ...طارق عثمان ..كان اسمه طارق عثمان ..بس ده يابنتى سافر امريكا ملك : امريكا ..طيب ميرسى اوى يا اونكل..بعد اذنك الرجل : سلميلى على عبد الله ملك : الله يسلمك |
|
|
|
|
03-22-2010, 07:50 PM
|
#8 | |
|
الحلقة الثامنة
********* بعد ما ملك طلعت من الملجأ ركبت السياره الى كان فيها ريتاج وشاهى وقالت ريتاج بتساؤل :ايه الى حصل جوا؟ وبدأت ملك تحكيلهم كل الى حصل من طقق لسلام عليكوا .. ملك بتنهيده:بس هو ده الى حصل ...... شاهى بجديه:طب انتى هتعملى ايه دلوقتى ؟؟ ملك بحيره :والله مش عارفه ..بس كل الى انا عرفاه انى لازم اشوف بابا.. ريتاج:طب والمدرسة هتعملى فيها ايه ؟؟ ملك بحيره اكبر:مش عارفه..... مش عارفه ...(مسكت رأسها) مين الى كان متوقع انى ممكن يحصلى كدة شاهى وهيا بتخفف عليها:ربك يحلها ....رجب(اسم السواق)متشغل حاجه .. ريتاج:لالالالا ..بما ان احنا فى الاجازه ايه رايكم نروح الملاهى؟ شاهى:والله فكره...ماهو انتى بتعرفى تفكرى اهوو امال عامله فيها عبيط افندى ليه يا ختى؟ ريتاج بضحكة مصطنعه:هاهاهاها (وبعدين كشرت )باااايخه شاهى:ما علينا ها هنروح فين بقى ؟؟ ملك باستغراب:غريبه...مش من عواديك يعنى يا شاهى انك تسكتى لريتاج ايه الى حصل الشمس طالعه منين النهارده؟؟ شاهى باستهبال:من الشمااال ..لا علشان انا مش فايقه لها ريتاج بخبث: امال فايقه لمين ..لعلى مثلا ؟؟ شاهى: ههههههههههه ضحكتينى وانا مش عايزه اضحك ..على مين وحسين مين .يابنتى انا قلبى قفلته بمفتاح ورميته فى البحر ريتاج بخبث:امال وشك بيقلب اشاره مرور ليه لما يبصلك يا ختى شاهى بضيقه :ريتاج اقفلى على الموضوع احسنلك ..يلا قولتو ايه هنروح فين ؟؟ ريتاج عرفت ان شاهى اتضايقت من الحكايه فمرضتش تتكلم فيها تانى :ايه رأيكم فى ....... شاهى:اوكى معنديش مانع وانتى يا ملك ايه رأيك؟ ملك بضيقه:اللى يعجبكم. ريتاج:طب ايه رأيكم نروح نأكل حاجه وبعدين نروح ............... ملك وشاهى:اوكى شاهى :بس غير المطعم اياه ريتاج بتحايل :لالالا والنبى اخر مره يا شوشو شاهى:دلوقتى بقيت شوشو يا ختى لا انا عرفاكى انك عيله وهترجعى فى كلامك تانى ريتاج بنفس التحايل :لالالا اخر مره بليييييز ..ملك متقولى حاجه ملك :ماخلاص يا شيشه(دلع شاهى )سيبها المرادى بس شاهى :طيب بس احنا ملناش دعوه بيهم اوكى ريتاج بابتسامه:ماشى يا عسل.. شاهى باستهبال:ماشى بيعرج .. وانفجروا فى الضحك وقالت ريتاج بعد نوبه الضحك:رجب اطلع على المطعم رجب :تحت امرك &&&& ولما وصلوا المطعم قالت شاهى:الحمدلله انهم مش موجودين وحست ريتاج بخيبه امل كبيره وجلسوا على طاوله وبعد مرور حوالى عشر دقائق وصل احمد وعلى وحست ريتاج بفرح كبييير وسرعان ما تحول هذا الفرح على حزن حين قالت شاهى:انتى اسكتى وانا اتكلم معاهم ماشى وجت ريتاج ترد عليها قاطع كلامهما قدوم احمد وعلى وقال احمد:ازيكم يا بنات ايه الغيبه دى محدش رد عليه وقال على وهو يوجه نظره لشاهى:ايه اتأخرنا عليكم شاهى: ومين الى قالك ان احنا كنا مستينكم من اصله احمد:الله الله ..طب ليه ليه الوش ده بس شاهى :هو كدا اذا كان عاجبك ولا مش عاجبك يلا يا بنات وقاموا البنات التلاته وعدت ريتاج من عند احمد وبصتله شويه وبعدين مشيت من عنده ولما طلعو بره قالت ريتاج بعصبيه:ممكن افهم يا ست شاهى انتى ايه الى عملتيه جوا ده شاهى :احسن يستاهل ريتاج:هو مين ده الى ي..... وقاطعتها ملك :خلاص يا جماعه يلا بينا على الحديقه وركبوا العربيه &&&& نرجع لوراء شويه عند احمد وعلى كانو احمد وعلى فى ذهول تام قام على وقال :انت فاهم حاجه يا احمد؟ احمد:لا ...انت فاهم حاجه على :لا البت شاهى بتعمل معانا كدا ليه ؟ احمد :وانا ايش عرفنى يا اخويا على :طب تعال نروح وراهم احمد:يلااا...... وطلعوا وراهم وشافوهم وهما بيطلعو العربيه واخدوا عربيتهم وطلعوا وراهم ولما وصلو البنات قطعوا تذاكر ودخلوا جوا وهكذا احمد وعلى وراهم وقعدوا فى مكان وقالت ملك :حد يروح يجيب لنا حاجه نأكلها احسن احنا ملحقناش ناكل فى المطعم ريتاج :انا هروح عايزين ايه شاهى :انا عايزه .......و....... ملك :وانا زيها ريتاج:من عيونى سلااام ومشيت ريتاج ولما شافها احمد ماشيه قال لعلى اللى كان مش منتبه ليه اصلا علشان كان بيبص لشاهى من بعيد:على شوية كدا وجاى خليك هنا اوكى؟ ومردش عليه على ومشى وسابه وقام احمد مشى وراء ريتاج بمسافه بعيد شويه وبعدين لقى شويه شباب بيعاكسوها قام وجه عندهم وقال:فى ايه يا روح امك سكتك خضرا واحد من الشباب :وانت مالك انت يا خفيف اطلع منها بس احمد بعصبيه :هتمشى ولا اوريك حاجه عمرك ماشوفتها وخافو الشباب ومشيوا والتفت الى ريتاج وقال :انتى كويسه؟ ريتاج باستغراب:كويسه ..انت ايه الى جابك هنا احمد :رجليا ريتاج:ههههههههههههه احمد بابتسامه :تعرفى ان ضحكتك حلوه؟ ريتاج بغرور:عارفه اتقالى كتير احمد بغيره :ومين بقى اللى قالك ريتاج: ناااس احمد: ما انا عارف انهم ناااس بس مين؟؟ ريتاج:وانت بتسأل ليه ؟؟؟ احمد برتباك:عادى يعنى فضول ريتاج:طب خلى فضولك لنفسك |
|
|
|
|
03-22-2010, 07:53 PM
|
#9 | |
|
الحلقة التاسعة
******* ريتاج:ممكن تسبنى امشى بقى احمد:ماتمشى هو انا ماسكك ريتاج: كده طيب ..سلام وجايه ريتاج تمشى فقال احمد :ريتاج استنى بس ريتاج وهى تمشى :فى ايه يا احمد احمد: انتى زعلتى ولا ايه ريتاج وهى تنفخ :لا هزعل من ايه احمد:امال بتنفخى ليه؟؟ ريتاج:عادى بتنهد احمد:ااه شكلك مش طايقانى اصلا..ممكن اعرف ايه غيرك كده ؟؟ ريتاج بنفاذ صبر:غيرنى ايه واحنا كان بنا ايه اصلا عشان يتغير احمد : اه عندك حق انا اسف انا اللى غلطان بعد اذنك حست ريتاج بالذنب لما مشى احمد وكانت عايزة تصالحه بس مشيت وراحت لملك وشاهى &&&& راح احمد لعلى اللى كان لسه بيبص على شاهى مشالش عينه من عليها احمد :على ...على على :ايه عايز ايه؟ احمد:يلا نمشى على :ايه نمشى ليه هو انت وريتاج اتخانقتوا احمد:نتخانق ايه..يلا بس يا عم وفى نفس الوقت رجعت ريتاج للبنتين شاهى:فين الاكل؟؟ ريتاج :نسيت كنتوا عايزين تاكلو ايه ملك:نسيتى ازاى يعنى..تايهة ريتاج:يوووه بقى ..روحى انتى ملك :طيب اوكى راحت ملك ف نفس الوقت اللى اتحرك فيه الولدين جه ولد اسمه وليد شد عقد ملك فقامت ضربته بالقلم &&&& وليد ولد مصرى عايش بأمريكا من سنين بينزل مصر زيارات بس هو ولد مش محترم فـ تصرفاته مع الكل &&&& وليد:انتى قد الحركه دى يابت ملك :بت ايه يا حيوان انت انا بلعب معاك فـ الشارع وليد:حيوان انا حيوان.. وجاى يرفع ايده عشان يضربها بالقلم جه على ومسك ايده وهو بيقول:ايه يا عم الحلو هتمد ايدك على بنت وليد:ماهى اللى ضربت وشتمت وانا ساكت احمد :ليه هى مجنونه اكيد عملت حاجه وليد:ده بس العقد بتاعها شبك ف الى شيرت غصب عنى يعنى ملك :كداب جت شاهى وريتاج بسرعه:فى ايه احمد:استنوا انتو يابنات ..غصب عنك ازاى يا كابتن يعنى وليد:زى الناس احمد:ااه ده انت بتستعبط بقى وبتعاكسها على :لم نفسك يلا ومكلمهاش تانى انت فاهم وليد:ايه ده ايه ده انتو الاتنين عليا انتو فاكرين نفسكوا ايه احمد:بقولك ايه ولا فاكرين ولا مش فاكرين انت فـ حالك واحنا فـ حالنا وليد ينظر لملك:حسابك معايا بعدين ومشى فقال احمد: معلش ياملك خدى بالك وانتى ماشيه ملك بعصبيه:قصدك ايه احمد:ولا قصدى ولا غيره اساسا شكلكوا انتوا التلاته فى حاجه معصباكوا النهارده وانا مش عايز اعرف...سلام مشى احمد وعلى فقالت ريتاج :هو فيه ايه اللى حصل لكل ده ملك :الزباله ده شد العقد بتاعى فقمت ضربته بالقلم شاهى :طب وعلى واحمد كانو مخنوقين اوى كده ليه ملك :معرفش مش مهم ريتاج :اه ..مش مهم &&&& نروح للاستاذ عبدالله ونهال والدا ملك عبدالله :فاكرة يانهال من 14 سنه فاتوا نهال :وده يوم يتنسى انا فاكراه زى امبارح رجعوا بذاكرتهم لورا 14 سنه دخل عبدالله ونهال الملجأ فرحب بيهم صاحب الملجأ:اهلا اهلا منورين اهلا يا مدام نهال منورة الملجأ كله نهال: ميرسى ربنا يخليك ده بس من ذوقك عبدالله :احنا كنا قريبين من هنا قلنا نعدى نسلم عليك سابت نهال عبدالله وصاحبه يتكلموا وراحت تشوف الاطفال ثم تذكرت الدكتور لما قال انها مش هتجيب اطفال لاسباب مجهوله وشافت طفله عمرها مايقارب السنه فقربت منها: ياخراشى انتى عسل خالص وقاعدت تلاعب الطفله وتضحك ثم حملتها وجه عبدالله :مين القمر دى ...عسوله اوى نهال : عبدالله انا مش همشى من هنا الا لما تكون معايا القمر دى عبدالله :خلاص فقدتى الامل فـ الله نهال: لا بس..... جه صاحب الملجأ ومعاه كوبايتين ليموناده وكوب مياه وقال:دى بقى ياستى احدث واحده هنا عبدالله :شكلها مش هتقعد هنا كتير وقعد يكلموا شويه ونهال بتلاعب الطفله وساعتها صاحب الملجأ قال لعبدالله :البنت دى والدها جبها من 4 شهور ومجاش تانى عبدالله نظر لنهال التى تنظر الى الطفله بحنيه وابتسم بحنان بالغ |
|
|
|
|
03-22-2010, 08:00 PM
|
#10 | |
|
الحلقة العاشرة
******** نظر عبدالله الى نهال التى تنظر للطفله بحنان ثم اخذ يتحدث مع صديقه ثم قال لها: يلا بينا قالت:والطفله بالطبع قال: طبعا طبعا وفى العربيه : نهال :هنسميها ايه عبدالله :معرفش شوفى انتى نهال :دى عامله زى الملاك ..ايه رأيك ف ملك عبدالله :الله جميل خالص ..خلاص اتفقنا &&&& احمد وعلى بعد ماسابوا البنات مشيوا من غير ماينطقوا بكلمه قطع السكوت على بعد ما زهق من السكوت :احمد انت ليه كنت متعصب كده ساعه ماكنت بتكلم ملك احمد:انا مكنتش متعصب ولا حاجه على:طيب وهتعمل ايه مع ريتاج هتعمل زى ما قلت فعلا احمد :ها وانا قلت ايه على: قلت انك هتوريها شغلها كويس احمد :على انت بقيت بترغى كتير كده ليه على :انا برغى يا احمد ماشى متشكر كل ده علشانها احمد :علشان مين بس بطل تهيس على :لا يا احمد انت باين عليك انك حبتها فعلا احمد :انا حبتها ؟؟ لا يا على محبتهاش انت اتجننت على : لا يا احمد متجننتش انت بتحبها فعلا مردش عليه احمد وفضلوا ماشيين ساكتين &&&& نروح بقى لوليد وهوة ماشى بيكلم نفسه وليد:انا يتعمل فيا كده ماشى وشكل الولدين والبنتين دول تبعها اصلا بس ماشى وحياة اغلى حاجه عندى لهوريها بس واحده واحده عليا، بس ازاى هشوفها تانى ؟؟؟ اممممممممم طيب مش مشكله دلوقتى ،ازاى مش مشكله ايه الغباء ده منا لو سبتها تضيع من ايدى دلوقتى مش هعرف اجبها تانى طيب خلاص انا همشى وراها لغايه معرف ايه نظامها البت دى . &&&& شاهى:مال الجو اتكهرب كده ليه ؟فكوا بقى وانتى ياست ريتاج طب ملك متضايقه ومعروف هيا متضايقه ليه انتى بقى مالك ؟؟ ريتاج:ماليش يا شاهى ملك:مش هنمشى بقى من هنا انا زهقت اوى اووووووووووووى ريتاج:يلا بينا شاهى:بس انا عايزة اقعد وامشى ليه يعنى ريتاج:يلا يا شاهى بقى بطلى رخامه ملك : انا همشى واللى عايز يجى يجى مشيت ملك ببطء شويه فناداها البنتين ملك استنى جاين معاكى فضلو ماشين ووليد وراهم لغايه مركباو عربيه والد ملك وفضلوا ساكتين مبينطقوش خالص ووليد وراهم بالعربيه وصلو بيت شاهى وسلمت عليهم ونزلت ووصلو لبيت ريتاج ونزلت ريتاج ومشيت وفضلت العربيه ماشيه بملك ووراها وليد ودخلو الفيلا بتاعت والد ملك ووليد ركن قريب منها وبعدين قال ساكنه فـ فيلا حلو اوى عيلة فافى يعنى ويضحك عليها بسرعه قشطه انا بقى هوريها وحياه القلم اللى اخدو ده لاهخليها تندم ع اليوم اللى فكرت تديهولى ,بس ياترى ازاى اممممممم دة انا راجع امريكا كمان اسبوعين طيب الموضوع ده محتاج كوبايه نسكافيه كده وبعدين اشوف الموضوع ده وركب العربيه ومشى بسرعه &&&& نروح لشاهى ف بيتها شاهى : بابا ...بابا ...انا خلصت امتحانات الاب :ماشى يا شاهى فتحيه :خلصتى ياختى وفضتيلى ...يعنى ملكيش حجه والشقه دى كل يوم هتلمع شاهى : اه وابنك اللى زى الخنزير ده ..كل مايروح حته يخليها زباله فتحيه : خنزير ابنى انا زى الخنزير ...انتى شكلك متربتيش يابت وعايزة تتربى تانى وقامت ضربتها بالقلم كل ده والاب واقف ساكت ومبيتكلمش شاهى : انتى ازاى تضربينى بالقلم ..انتى مين يعنى ..انت اتجننتى ولا ايه فتحيه:انا اتجننت ...ايه ياراجل ساكت يعنى مش تشوف بنتك دى ...منتا اللى دلعتها وخلتها كده شاهى : بقولك ايه انتى مش امى ولا ابويا عشان تضربينى اصلا وملكيش اى حق فـ ده ..انتى فاهمة فتحيه وهى بيتشد ايديها : بت لمى نفسك احسنلك معايا فاهمة ولا لا شاهى : اه اه اوعى ايدى بقولك انا مش عايزة اكلمك ولا تكلمينى خالص فاهمة وجريت شاهى على غرفتها وقفلت الباب بعنف وقعدت تعيط على والدها اللى معندهوش شخصيه ووالدتها اللى وحشتها اوى بس مش عارفه تروح عشان فتحيه مسلطه الاب بكده وفكرت فـ فتحيه وابنها وبيزيد عياطها أكتر &&&& نسيب شاهى شويه ونروح لريتاج دخلت ريتاج البيت وهى مخنوقه ومش باين عليها فرحه نهاية الامتحانات مازن :مالك يا جميل متضايقه ليه ريتاج : انا مش متضايقه ..فين بابا مازن: بابا لسه مرجعش ...قوليلى بقى هتخبى ع اخوكى حبيبك ريتاج: اقولك ايه مازن: قوليلى متضايقه ليه ..اتخانقتى مع اصحابك سكتت ريتاج شويه وقالت : يعنى ملك صحبتى منتا عارفها حصلها ظروف كده مازن بخضه ولكن حاول يخفيها: ملك حصلها ايه ريتاج تنظر له بأستغراب:وانت مالك مخضوض كده ليه مازن وهو يدير رأٍسه:لا وهتخض عليها ليه يعنى ريتاج بخبث: انا مقلتش عليها ...على اختك دة انا الوحيده اللى فهماك مازن:المهم حصلها ايه ريتاج:يعنى شويه ظروف مع اهلها كده مازن:وانتى ليه مش عايزانى اعرف يعنى ريتاج:عشان ممكن هى تزعل منى مازن:طب وهى هتعرف منين ريتاج:طيب وانت عايز تعرف ليه يعنى مازن:عادى فضول مش اكتر ريتاج:فضول برضو وبس ولاحاجه تانيه مازن:حاجه تانيه زى ايه يعنى ريتاج:زى يعنى اعجاب او حب فـ الخفاء مازن بضحكة عصبيه:حب فـ الخفاء ريتاج: اه حب فـ الخفاء ..قولى بس متخافش مش هقول لحد مازن:بقولك ايه انتى عايزة تتوهينى ...عملتى ايه فالامتحان ريتاج:انا برضو اللى عايزة اتوهك ...قولى بس يابنى متخافش مش هفضحك ع النت مازن : هاهاها ظريفه وقام واخد مخده وضربها فقالت: بتضربنى نهارك اسود وخدت هيا كمان مخده وضربته وقعدوا يضربوا فـ بعض وهما بيجروا ورا بعض لغايه ماتعباو ورمت ريتاج نفسها على كرسى : اه تعبت مازن: وانا كمان ريتاج: ها لسه مش عايز تعترف بقى مازن: هعترف لو قولتيلى هى حصل عندها ايه فقامت ريتاج قالتله بعد تردد كل حاجه فقال مازن: ياعينى بجد صعبت عليا ...طب وهتسافر ولا ايه ريتاج: هى لسه مقررتش ومش عارفه بصراحه..ها انا مستنيه اعترافك ولا هتبقى عيل وترجع فـ كلامك مازن وكأنه بيكلم نفسه: طب دى لو سافرت هتبعد ريتاج:طب واه يعنى لما تبعد مازن:ها .. قلتى ايه ريتاج: لا ده حب ملهلب اوى مازن: بطلى يابت ريتاج: اعترف يلا مش هسيبك النهاردة الا لما تعترف مازن : طيب طيب هعترف وقال مازن: من ساعه ماعرفتوا بعض من 4 سنين وانا متشد ليها اوى وكل ماتيجى هنا بحاول اقرب منها بس هى بتعاملنى على انى غريب وشويه حسيت انها حنينه من ناحيتى وبعدين بقت بعيده اوى عنى وفضلت كده من غير ما اقول لحد حتى لصاحبى . ريتاج: ياااااااااااااااه كل ده ف قلبك وساكت طب وليه محاولتش تقول لها مازن : ملك كانت نظرتها ليا بتوقفنى وبتوه الكلمات من على لسانى وكان نفسى اقول لها بس مقدرتش ريتاج: طب لو تحب اقول لها على كل حاجه مازن: لا اوعى بجد هزعل منك انا عايزها لما تعرف يأما يكون منى او حست بيا ريتاج: على راحتك يامازن مازن: ريتاج هى ملك بتحب حد تانى ريتاج: لا يامازن مازن:متأكده ريتاج:طبعا يابنى متأكده احنا عمرنا مخبينا على بعض حاجه مازن :ومالك واثقه اوى كده ريتاج: ما انت قلتها احنا اصحاب من 4 سنين ومش بنخبى عن بعض حاجه مازن:طيب ماشى ريتاج:لا بيعرج مازن: يازباله ...يييييييييييه كل شويه توقعينى ف الحكايه دى ريتاج وهى تضحك:وعمرك ماهتتعلم ثم صمتا وكل منهما اخذ فى التفكير فيمن يحب &&&& وف بيت ملك دخلت ملك البيت من غير ماتنطق بكلمه وكان والدها جالس وندهها ملك: نعم عبدالله:اقعدى ياملك عايز اكلمك ملك:حاضر وقعدت ملك فى هدوء وحاولت متجبش عنيها فـ عينه نهائى عبد الله: بصى ياملك انا عارف انك مخنوقه وانك عايزة تعرفى والدك الحقيقى نظرت اليه ملك بترقب ثم اخذ هو ف اشعال سيجارة ثم قال: انا مستعد اسفرك تدورى عليه بس..... |
|
|
|
|
| الكلمات الدلالية (Tags) |
| ♥, .., آخـــر, بنـــات, شقــاوة |
|
|
|
||||
| الموضوع | كاتب الموضوع | المنتدى | مشاركات | آخر مشاركة |
| ♥♥ دمعة تسقط من فؤادي كل عام في نفس هذا اليوم ♥ رثاء في والدي - رحمه الله وغفر له- ♥♥ | Golden_Boy | المواضيع المنقوله Rss | 0 | 02-23-2010 12:43 AM |
| ♥♥ دمعة تسقط من فؤادي كل عام في نفس هذا اليوم ♥ رثاء في والدي - رحمه الله وغفر له- ♥♥ | Golden_Boy | المواضيع المنقوله Rss | 0 | 02-22-2010 11:49 PM |
| ╝◄◄♥♥ ஐ◄█▓▒░حصريا:برنامج السكايب القديم♥♥♥♥skype3.8 ♥♥♥♥ الدي يبحث عنه الجميع ♥♥░▒▓█► | DR.ERROR | منتدى برامج لمسة حب | 0 | 02-14-2010 06:25 AM |
| ¸♥ ¸♥ ¸♥ طرق رومانسية لتقديم الهدايا ¸♥ ¸♥ ¸♥ | Golden_Boy | صــــور روماتســــيه | 2 | 01-05-2010 07:47 AM |
| فتاوى هامة جداً♥حكم تحدث المرأة مع الرجل♥عبرالماسنجرأوالهاتف♥نسأل الله العافية♥ | Golden_Boy | المواضيع المنقوله Rss | 0 | 12-22-2009 08:50 AM |
|
|
